மனித விடியல்
தமிழ்நாடு காங்கிரஸ் கமிட்டி கலைப்பிரிவு சார்பாக மதுரை மண்டல நிர்வாகிகள் ஆலோசனைக் கூட்டம் மதுரை ரயில்வே நிலையம் மேற்கு நுழைவு வாயில் எதிரே உள்ள தனியார் உணவகத்தில் நடைபெற்றது.
இந்நிகழ்விற்கு தமிழ்நாடு காங்கிரஸ் கமிட்டி கலை பிரிவு தலைவர் சந்திரசேகரன் தலைமை வகித்தார்.
பின்னர் செய்தியாளர்களை சந்தித்து அவர் கூறுகையில்
வரும் பாராளுமன்ற தேர்தலில் இந்தியா கூட்டணி சார்பாக போட்டியிடும் வேட்பாளர்கள் பெரு வாக்குகள் பெற வைத்து வெற்றி பெற வைப்பது குறித்து முடிவு எடுக்கப்பட்டது.
பாஜக ஆட்சியை வீழ்த்துவது குறித்து எல்லா வியூகங்களையும் வகுத்து அகில இந்திய காங்கிரஸ் கமிட்டி மற்றும் தமிழ்நாடு காங்கிரஸ் கமிட்டி ஆலோசனைப்படி கலைப்பிரிவு சார்பாக தீவிரமாக செயலாற்றி பணியாற்றுவது குறித்து தீர்மானிக்கப்பட்டது.
மதுரை பாராளுமன்ற தொகுதிக்கு மாநில செயலாளர் சந்திரசேகர் தலைமையில், மாவட்ட தலைவர்கள் ஈஸ்வரமூர்த்தி, துரைசிங், கார்த்திகேயன் கொண்ட குழு அமைப்பது எனவும், அதுபோல ஒவ்வொரு பாராளுமன்ற தொகுதிக்கும் கலைப்பிரிவு சார்பாக குழு அமைத்து கூட்டணி சார்பாக போட்டியிடும்
வேட்பாளர்கள் வெற்றி பெற தீவிரமாக பணியாற்றவது என முடிவு எடுக்கப்பட்டது என கூறினார்.
